020 5166 8886

ເປັນຄົນເບິ່ງໂລກໃນແງ່ດີ ມີຄວາມໂອບອ້ອມອາລີ ມີເມດຕາ ມັກຊ່ວຍເຫຼືອຄົນຕົກທຸກໄດ້ຍາກ ມັກສັງຄົມ ເປັນຄົນບໍ່ປະໝາດ ຮອບຄອບລະມັດລະວັງຕົວດີ, ທັນຄົນບໍ່ຖືກຕົວະງ່າຍໆ ເປັນຄົນມັກມ່ວນຊື່ນ ບໍ່ຄຽດ ເບິ່ງໂລກໃນແງ່ດີ ຊີວິດຄິດບວກ ບໍ່ເຄີຍຄິດຫຼາຍ ມີໝູ່ຫຼາຍ ເຂົ້າສັງຄົມເກັ່ງ ເຂົ້າກັບຄົນງ່າຍ ເອົາຕົວລອດເກັ່ງ ເປັນຄົນໃຈໃຫຍ່ໃຈເຖິງ ກ້າໄດ້ກ້າເສຍ ມັກສ່ຽງ ມັກທົດລອງຫຍັງແປກໃໝ່ຢູ່ສະເໝີ ໃຊ້ອາລົມຫຼາຍກວ່າເຫດຜົນ

ເປັນຄົນສະຫຼາດ ໄຝ່ຮຽນຮູ້ໃຫ້ຕົນເອງມີຄວາມຮູ້ ການງານການຮຽນເປັນເລີດ ສະມາທິດີ ມີສະຕິໃນການເຮັດວຽກ ຜົນງານຈຶ່ງອອກມາດີ ຜູ້ໃຫຍ່ສົ່ງເສີມດີຫຼາຍ ຖະໜັດຫາຊ່ອງທາງທຳມາຫາກິນ ທັນຄົນ ບໍ່ເສຍຮູ້ໃຜ ພັດທະນາຕົນເອງຢູ່ສະເໝີ ທະເຍີທະຍານ ມີການວາງແຜນຊີວິດທຸກຢ່າງຢ່າງເປັນລະບົບ ແລະ ມີແບບແຜນຊັດເຈນ ເຮັດວຽກໄດ້ຫຼາກຫຼາຍອາຊີບ ໂດຍສະເພາະການຄ້າຂາຍເຄື່ອງສວຍງາມ ຫຼູຫລາ ລາຄາແພງ ທຸລະກິດຄວາມສວຍຄວາມງາມ ຫຼື ສິນຄ້າທີ່ມີລາຄາແພງ ມີເຊັ້ນສ໌ໃນການເອົາຕົວລອດໃນທຸກສະຖານະການ ບໍ່ເຄີຍຈົນມູມ ມັກເຮັດທຸລະກິດສີເທົາ ຄວາມສ່ຽງໂດຍບໍ່ສົນໃຈວິທີການ ຂໍພຽງແຕ່ໄດ້ເງິນ ມັກຈະໄດ້ເປັນເຈົ້າຂອງທຸລະກິດສີເທົາ ຫຼື ວຽກທີ່ຕ້ອງມີການແຂ່ງຂັນສູງຫຼາຍ

ເຂົ້າໃຈວາງແຜນຊີວິດ ຮູ້ຈັກພໍປະມານພໍພຽງ ໃຊ້ສະຕິໃນການດຳເນີນຊີວິດ ບໍ່ຟຸມເຟືອຍ ຮູ້ຈັກເກັບອົດອອມ ຮູ້ຈັກໃຊ້ຈ່າຍ ຄິດວິເຄາະການໃຊ້ເງິນຢ່າງເປັນລະບົບລະບຽບ ວາງແຜນການໃຊ້ເງິນໄດ້ເປັນຢ່າງດີ ເກັບເງິນເກັ່ງ ຫາເງິນເກັ່ງ ການເງິນດີ ມີໂຊກມີລາບເຂົ້າມາເລື້ອຍໆບໍ່ຂາດ ເງິນຮົ່ວ ຫາເງິນເກັ່ງແຕ່ກໍໃຊ້ເງິນເກີນຕົວ ມັກຈະເສຍເງິນໄປກັບເລື່ອງທີ່ບໍ່ມີປະໂຫຍດ ໃຊ້ຈ່າຍຟຸມເຟືອຍ ໃຜຫ້າມເລື່ອງການໃຊ້ເງິນກໍມັກຈະບໍ່ພໍໃຈ

ມັກຈະເລືອກຄູ່ຄອງທີ່ມີໜ້າທີ່ການງານ ແລະ ຖານະການເງິນທີ່ດີ ເນັ້ນຄູ່ຄອງທີ່ໝັ້ນຄົງດູແລໄດ້ ມີສະເໜ່ແຮງຫຼາຍ ໃຜເຫັນໃຜກໍຮັກ ມີສະເໜ່ແຮງ ມັກເຮັດໃຫ້ໃຜໆຫຼົງໄຫຼໄດ້ງ່າຍ ແຕ່ກໍຈະມີຄວາມທຸກກັບຄວາມຮັກ ເພາະອາດຈະຫຼົງຜິດໃນເລື່ອງຊູ້ສາວ

ຊີວິດມີແຕ່ຄວາມວຸ້ນວາຍ ມັກຈະໄປກ່ຽວຂ້ອງກັບອະບາຍຍະມຸກ ເຮັດໃຫ້ເກີດບັນຫາຫຼາຍຢ່າງຕາມມາ ໝູ່ທີ່ຄົບມັກຈະຫັກຫຼັງ ຫຼືບໍ່ກໍຊວນກັນໄປໃນທາງທີ່ຜິດ ມັກມີໂຊກລາບບໍ່ຄາດຝັນຢູ່ເລື້ອຍໆ